BA.Margaritë Bërbatovci

Margaritë Bërbatovci Psikologe Klinike e licensuar nga Ministria e Shëndetësisë. Ajo ka përfunduar studimet themelore në Psikologji, ndërsa studimet e nivelit Master i ka përfunduar në drejtimin “Psikologji Klinike dhe e Shëndetit” në Universitetin “Eötvös Loránd” në Budapest. Gjatë viteve të studimit ajo është përfshirë në një sërë trajnimesh profesionale në Kosovë dhe Hungari, të lidhura me fushën klinike. Margarita ka qenë e përfshirë në punë praktike, ku ka realizuar intervista dhe testime psikologjike, dhe është njohur me teknikat e vlerësimit dhe metodat diagnostikuese që përdoren në ambientet klinike me fëmijët dhe të rriturit. Ajo ka praktikuar gjithashtu teknika të integrimit trup-mendje, teknika të relaksimit, ka marrë pjesë në vizita në terren me grupe të cenueshme dhe ka qenë e angazhuar në ndërhyrje për trajtimin e varësive. Aktualisht, Margarita ndjek trajnimin njëvjeçar në “Psikoterapinë e Kohezionit të Brendshëm”.

Në Klinikën “Empatia”, ajo ofron terapi të sjelljes për fëmijë si dhe seanca psikoterapie për të rriturit.