MA. MSc. LIRIDON ALIU
Psikolog
Liridon Aliu ka përfunduar studimet bazike në fushën e Psikologjisë në Universitetin e Prishtinës, ku gjithashtu ka marrë gradën Master në Psikologji. Përveç kësaj, ai mban gradën Master i Shkencave në Menaxhment nga i njëjti universitet. Ai është psikolog klinik i licencuar nga Ministria e Shëndetësisë dhe OIK. Po ashtu, zotëron licencë profesionale për ofrimin e shërbimeve sociale dhe familjare nga KPSHSF.
Liridon Aliu ka përfunduar një trajnim njëvjeçar në Psikoterapinë e Kohezionit të Brendshëm dhe ka ndjekur një numër të madh të trajnimeve profesionale si dhe konferenca kombëtare dhe ndërkombëtare. Me mbi 16 vite përvojë profesionale, ai ka filluar karrierën e tij si psikolog në Qendrën Mediko-Psikoterapeutike “Labyrinth”. Gjatë karrierës së tij ka punuar si menaxher i projekteve në fushën e shërbimeve sociale dhe të kujdesit për fëmijët dhe të rinjtë në organizatën SOS Fshatrat e Fëmijëve, ku aktualisht mban pozitën e Koordinatorit të Programit të Fuqizimit të Familjes. Ai ka qenë gjithashtu i angazhuar si hulumtues dhe ligjërues në disa kolegje private.
Një mandat ka shërbyer si anëtar i komitetit profesional për licencimin e profesionistëve të huaj shëndetësorë në Ministrinë e Shëndetësisë. Po ashtu, ka punuar si psikolog në Qendrën për Hulumtime Psikosociale dhe Mjekësore dhe është pjesë e stafit profesional si psikolog në Klinikën “Empatia” që nga themelimi i saj.
Në klinikën “Empatia”, Liridon Aliu ofron shërbime psikoterapie për adoleshentët dhe të rriturit.
