Yllka Imeri

Yllka Imeri është një Logopede e përkushtuar, e diplomuar në Shkencat Shëndëtësore Terapeutike me specializim Logopedi. Rrugëtimi i Yllkës në ofrimin e shërbimeve logopedike ka filluar me ofrimin e shërbimeve vullnetare në Institucione parashkollore dhe në shkolla publike dhe private, në të cilat ajo ka ofruar shërbimet logopedike për fëmijët të cilët kanë pasur vështirësi në gjuhë, komunikim dhe të folur. Përkushtimi dhe pasioni i saj vazhduan më pas në rolin e Asistentës mbështetëse me ofrimin e shërbimeve logopedike dhe mbështjetjen e fëmijëve me nevoja të veçanta në shkolla dhe në kopshte, përvojë e cila shtoi një eksperiencë të vlefshme në mbështetjen e fëmijëve në pavarësimin dhe edukimin e tyre.

E shtyrë nga pasioni i saj për të bërë ndryshime në jetën e të tjerëve, Yllka iu bashkua Qendrës Multidisiplinare Heimerer si Logopede. Në këtë rol, ajo ka pasur mundësinë të punojë me një gamë të gjerë klientësh, duke ofruar shërbime logopedike dhe duke asistuar në procesin e vlerësimit dhe diagnostikimit të çrregullimeve të ndryshme të komunikimit. Ekspertiza e Yllkës përfshin një sërë diagnozash, duke përfshirë vonesat e të folurit dhe të gjuhës, Afazinë, Disleksinë, Çrregullimet e Artikulimit, Belbëzimin, Çrregullimet e zërit, implantet kokleare, Autizmin dhe sindromën Down. Ajo është e përkushtuar për të përshtatur qasjen e saj për të përmbushur nevojat unike të çdo klienti, duke i fuqizuar ata për të komunikuar në mënyrë efektive dhe të sigurt.