Altina Limani
Logopede
Altina Limani ka përfunduar studimet Bachelor në vitin 2021 në Shkencat Shëndetësore Terapeutike, në drejtimin Logopedi. Gjatë studimeve ka qenë e angazhuar në disa aktivitete vullnetare, ndërkaq pas përfunidimit të studimeve ka qenë edhe pjesë e trajnimeve, konferencave dhe praktikave të ndryshme profesionale, që i kanë mundësuar rritjen e aftësive, shkathtësive dhe kompetencave profesionale. Në përvojën e saj tre vjeçare si logopede, Altina ka qenë e angazhuar në organizatën “Pikë Kthese” për të ofruar seanca logopedike në shkollën fillore “Meto Bajraktari”. Përpos angazgimeve të tjera profesionale, ajo vazhdon të punoj me pasion si asistente e fëmijëve me nevoja të veçanta në shkollën fillore “Hasan Prishtina”.
Në 2 vitet e fundit, ajo është trajnuar në shumë fusha specifike të logopedisë, përfshirë këtu edhe “Trajtimin logopedik të personave me sklerozë multiple”, “Incidentet klinike”, “Zhvillimin e Shkathësive të Gjuhës dhe të Folurit tek Fëmijët me Sindromin Down dhe Autizëm”, “Teoria e Mendjes”. Altina ka ndjekur gjithashtu edhe programe të tjera të zhvillimit të vazhdueshëm profesional të ofruara nga Oda e Profesionistëve Shëndetësor. Për punën dhe përkushtimin e saj profesional ajo është shpërblyer disa herë edhe me mirënjohje.
Altina Limani është logopede e licensuar nga Ministria e Shëndetësisë për ofrimin e shërbimeve terapeutike për gjuhë dhe të folur. Altina i bashkohet Klinikës “Empatia” si Logopede për të ofruar shërbime për çrregullimet në të folur, gjuhë dhe komunikim.
